Der Goethe vun Keferdal

Leseprobe

Aschermittwoch 1976

Allelujah, Allelujoh,
jetzt seid ihr ja schon widder do.
Erst wird die Fastnacht drauß verbrennt,
donn kummt ihr gonz schnell roigerennt,
verplatzt eisch hier in große Masse
wie so richdische Aschermittwochstasse.
Trotzdem find ich es wirklich toll,
dass alles heit schun widder voll,
die Disch un noch so monsches mehr,
zum Beispiel isch, na bitte sehr!

Hab heit de Aschermittwochskoller,
drum mach isch a de Protokoller,
sag monsches eisch gonz ungeniert
mit Anstand wie es sich gebiehrt,
damit vom Hohen Ministerium
nätt zu viel falle widder um.

Denn das war schlecht, ein großes Übel
in der Sitzung, ja der linke Flügel
bekam vom Saft schnell einen Schwips,
das Kleinhirn füllte sich mit Grips,
dem Flügel schlug es auf die Glieder,
und alle wurden mied und mieder.
Äns ging donn allerdings noch gut,
so wie bei mir, des war die Schnut.

Doch niemals sollt mer lautstark singe
das Lied vom Götz von Berlichinge.
Drum steht bei mir im Protokoll,
wer soi will, mool so rischdisch voll,
wer gscheit will werre, superschlau,
trinkt Vorlo donn aus Rietenau.
....



Neujahrsempfang 1988

Om 6.1. on Dreikenisch
sinn mir in Kefertal uns enisch,
im Kopp sinn mir donn widder klor,
drum feiern mir heit „Prost Neijohr“!

Donn trifft sisch do ä närrschi Blos
Un macht ä bissl heit was los.
Trotzdem die Stadt hott monsche Miese,
due mir des neie Johr begieße.

De Elferrat, die Arm und Reische
due longsom sisch ons Rothaus schleiche,
un de Rudi, unser Overbeck,
nimmt donn än harter Wasserweck.

Kloppt dreimool korz donn on die Dier,
die ging gleich uff, jetzt steh mer hier,
so durchennonner uff äm Haufe
und due halt schun widder – trinke.

Bei so viel gute, schäne Borschd
do gibt es halt än Löwedorschd.
Auch die Freunde aus den USA
die schlucke mit trari, trara!
....



Spargelessen 1990

Wie jedes Jahr, so um die Pfingschde,
do treffe sich, nätt mehr die Jingschde,
doch lauter wirklich nette Leit
bei uns, ihr wisst, ´s is Spargelzeit.

Seh isch misch um in dieser Rund,
´s is alles da, Stadt, Land und Bund.
Die Zahl ist groß der vielen Gäste
mit schwarzer, roter, weißer Weste.
Viel nette Leit und gute Geister,
ä gonzi Menge Bürgermeister,
Konditor und normale Becker
un vun de Stadt de Dr. Egger,
dem ich trotz schlechter Haushaltslage
wollt heute guten Abend sage.
Doch die Stadt vum Spare so besesse,
dass die owends gehe nimmer esse.
Doch alle hier von Hinz bis Kunz
Seid liebe Gäste heut bei uns.

Um misch selbst is es schlecht bestellt,
bin bei de Stadt un krigg noch Geld
un loss mir dort on viele Dage
fer onnre Leit de Frack verschlage.
Wer´s noch nett weeß, dem sag isch´s heit,
selbschd Fasnacht is ä ernschdi Zeit.
....



De Blumepeter

In Monnem, do kennt misch jeder in jedem Bierlokal,
isch bin de Blumepeter, ä Monnemer Original.
Isch bin schun long dod, leb nimehr.
Isch bin grad vum Grab rauskumme
Un hab mer extra fer eisch Urlaub heit genumme,
um eisch zu verzehle, ihr liewe Leit,
vun längschd vergongene Dage,
do wars noch onnerschd, wars schäner wie heit,
des kommer ruisch sage.

Owends hot mer gsehe als misch durch die Lokale laafe,
um dort on jedem Disch moi Schdreißl zu verkaafe.
Da Liewi, nämm so ä Schdreißl glei – alla, konnschds ruisch wage,
om liebschde is mers, du nimmsch glei drei,
donn derfsch a Du zu mir sage.

Ämool hab isch im Kaffee ä Törtsche weggenumme,
do is glei de Ober gschbrunge kumme.
Peter, leg des Törtsche hie,
isch hab gsacht, isch hab käns, du Vieh!
Bringsch du nätt glei des Törtsche bei,
hol isch sofort än Schutzmonn roi,
ruft de Kellner gonz empört,
des hot misch awwer garnätt gschdert.
Des konnsch mache, unerdesse bis der kummt,
do hab ischs gfresse.

Moin Freund, des is de Gille Galle,
oh, mir vertrage uns gonz gut.
Blos monschmool dut er mir nätt gfalle,
wenn er als so elend uffschneide dut.
Do ware mir mool owwe om Schloss
und hawwe mitänonner g´schwetzt,
un gucke nunner die Breetstroß,
do sagt der Gille Galle jetzt:
Siehsch du dort unne Blumepeter,
im Sunneschoi die Neckarbrick?
.....


und viele weitere ...
... lesen Sie selbst

Veranstaltungen

Sie sind herzlich zu unseren aktuellen Buchvorstellungen und Lesungen eingeladen.

Das eigene Buch

Bei uns erhalten Sie die Möglichkeit, Ihr eigenes Buch herauszubringen.
Wie? - Das erfahren Sie hier.

zur Buchhandlung Waldkirch in Feudenheim

Hier erhalten Sie alle Bücher des Verlags sowie das gesamte Buchhandelsprogramm

Zur Online-Buchhandlung

Über 450.000 Bücher online bei Waldkirch bestellen

Yoga-Zentrum Mannheim

Hatha-Yoga Kurse, Business-Yoga, Betriebl. Gesundheitsvorsorge